“Fənərbağça” Kristof Daumu qovdu
26 iyun 2010 10:30 (UTC +04:00)

“Fənərbağça” Kristof Daumu qovdu

Türkiyənin “Fənərbağça” futbol klubu baş məşqçi Kristof Daum və onun köməkçisi Roland Koxla yollarını ayırıb.



Lent.az-ın klubun rəsmi saytına istinadən verdiyi məlumata görə, hər iki mütəxəssislə müqavilə qarşılıqlı razılıq əsasında pozulub.


Bununla da “Fənər”də ikinci Daum dönəmi rəsmən başa çatıb. Klub rəhbərliyi onlara 2009-2010-cu il mövsümündə göstərdikləri xidmətin qarşılığında təşəkkür edib.


Qeyd edək ki, Kristof Daum 2009-cu il iyunun 2-də “Fənərbağça” ilə 3 illik müqavilə bağlayıb. Onun rəhbərliyi altında “sarı-lacivərdlilər” Türkiyə Superliqasında 2-ci, ölkə kubokunda isə finalçı olublar. Amma klub mövsümü titulsuz başa vurub.
# 435

Oxşar yazılar