Fernando Moryentes futboldan getdi
31 avqust 2010 17:56 (UTC +04:00)

Fernando Moryentes futboldan getdi

Lent.az-ın “Marca”ya istinadən verdiyi məlumata görə, yayda Fransa “Marsel”ini tərk etdikdən sonra 34 yaşlı hücumçuya Qətər, Meksika, BƏƏ və Portuqaliya “Sportinq”indən dəvət gəlib.

Lakin Moryentes həmin təkliflərin hamısını rədd edib: “17 il ərzində yüksək səviyyəli komandalarda çıxış etdikdən sonra futbolla qurtarmağın vaxtı olduğunu anladım. Bu qərarı qəbul etmək mənim üçün asan olmadı və onun üzərində 3 ay düşündüm. İndi mən ailəmə daha çox vaxt ayırmalıyam”.

Qeyd edək ki, Fernando Moryentes karyerası ərzində İspaniyanın “Albasete” (1993 – 1995), “Saraqosa” (1995 – 1997), “Real” (1997 – 2005), “Valensiya” (2006 – 2009), İngiltərənin “Liverpul” (2005-2006), Fransanın “Marsel” (2009-2010), habelə icarə əsasında “Monako”da (2003-2004) çıxış edib. 1998 – 2007-ci illərdə İspaniya yığmasına da cəlb olunan Moryentes 47 matçda 27 qol vurub.
# 918

Oxşar yazılar