20 fevral 2010 16:00 (UTC +04:00)

Olimpiada-2010: Fiqurlu konkisürmədə yeni olimpiya çempionu

Vankuver Qış Olimpiya Oyunlarında fiqurlu konkisürmə növündə kişilərin fərdi mübarizəsinə yekun vurulub. Lent.az-ın məlumatına görə, qısa və sərbəst proqramın yekununda qızıl medala ABŞ təmsilçisi Evan Laysaçek layiq görülüb.

Laysaçek qısa proqramda hakimlərdən 90,30 bal, sərbəst proqramda isə 167,37 bal alıb. İki hərəkətin cəmində 257,67 bal yığan 25 yaşlı idmançı karyerasında ilk dəfə olimpiya çempionu olub. 2006-cı il Turin olimpiadasının qalibi Yevgeni Plyuşenko (Rusiya) bu dəfə gümüş medal qazanıb. O, iki hərəkətin cəmində 256,36 (90,85 + 165,51) bal yığıb. Bürünc medal isə 247,23 bal (90,25 + 156,98) toplayan yaponiyalı Daysuke Takahaşiyə qismət olub.
# 152

Oxşar yazılar