“Qarabağ”ın Çempionlar Liqasında mümkün rəqibləri bəlli oldu

Çempionlar Liqasında növbəti püşkatmaların bütün iştirakçıları müəyyənləşib.

Apasport.az saytının məlumatına görə, bu, II təsnifat mərhələsinə yekun vurulduqdan sonra mümkün olub.

10 komanda Çempionlar yolunda, 3 klub Liqa yolunda tur adlayıb. Bununla da avqustun 31-də baş tutacaq III təsnifat mərhələsinin püşkündə iştirak edəcək komandalar bilinib. Həmin gün Çempionlar yolunda mərhələ keçən 10 komanda 5 cütlük təşkil edəcək. Püşk zamanı Azərbaycan çempionu “Qarabağ” səpələnmişlər sırasında yer alacaq.

Liqa yolunda mərhələ keçən 3 komandaya daha üç iştirakçı qoşulacaq. Burada yenidən üç cütlük müəyyənləşəcək.

Sentyabrın 1-də isə pley-offun püşkü atılacaq. Çempionlar yolunda öncəki mərhələnin 5 cütü və mübarizəyə yeni qoşulacaq üç komanda rəqiblərini tanıyacaq. “Qarabağ”ın yer aldığı cüt səpələnməmiş olacaq.

Liqa yolunda isə üç cütə bir klub da qoşulacaq. Püşk pley-offun iki cütünü müəyyənləşdirəcək.

III təsnifat mərhələsi
Çempionlar yolu
Səpələnmişlər
“Dinamo” (Xorvatiya)
“Yanq Boyz” (İsveçrə)
“Srvena Zvezda” (Serbiya)
“Qarabağ” (Azərbaycan)
“Makkabi” (Təl-Əviv, İsrail)
Səpələnməmişlər
“Molde” (Norveç)
“Midtülland” (Danimarka)
“Ferensvaroş” (Macarıstan)
“Omoniya” (Kipr)
“Dinamo” (Belarus)

Liqa yolu
Səpələnmişlər
“Benfika” (Portuqaliya)
“Dinamo” (Ukrayna)
“Gent” (Belçika)
Səpələnməmişlər
“Rapid” (Avstriya)
PAOK (Yunanıstan)
“Alkmaar” (Niderland)

Pley-off
Səpələnmişlər
“Zalsburq” (Avstriya)
“Olimpiakos” (Yunanıstan)
“Dinamo”nun cütü (Xorvatiya)
“Slaviya” (Çexiya)
Səpələnməmişlər
“Yanq Boyz”un cütü (İsveçrə)
“Srvena Zvezda”nın cütü (Serbiya)
“Qarabağ””in cütü (Azərbaycan)
“Makkabi”nin cütü (Təl-Əviv, İsrail)

Liqa yolu
Səpələnmişlər
“Benfika”nın cütü (Portuqaliya)
“Dinamo”nun cütü (Ukrayna)
Səpələnməmişlər
“Gent”in cütü (Belçika)
“Krasnodar” (Rusiya)