Zaqatalada sel aparan kişinin meyiti tapıldı - Hadisə yerindən VİDEO
23 sentyabr 2021 15:53 (UTC +04:00)

Zaqatalada sel aparan kişinin meyiti tapıldı - Hadisə yerindən VİDEO

Zaqatalada sel aparan kişinin meyiti tapılıb. 

Lent.az xəbər verir ki, bu gün Katex çayında sel aparan, Zaqatala rayon Qəbizdərə kənd sakini, 53 yaşlı Abdulbari Müslüm oğlu Abdulxalıqovun axtarışlarına FHN-in helikopteri cəlb edilib. Axtarışlar nəticə verib və meyit tapılaraq sudan çıxarılıb.  

Lent.az axtarış aparılan ərazidən çəkilmiş fotonu təqdim edir: 

***

saat 10:45

Zaqatala sakini Katex çayında boğulub.

Lent.az-ın APA-ya istinadla məlumatına görə, hadisə bu gün səhər saatlarında rayonun Mazıx kənd inzibati ərazisində baş verib. 53 yaşlı Zaqatala rayonu Qəbizdərə kənd sakini Abdulbari Müslüm oğlu Abdulxalıqov ərazidən axan Katex çayını keçməklə Balakən rayonunun Katex kəndi ərazisinə getmək istəyib. Bu zaman Abdulbari Abdulxalıqov suda boğularaq ölüb. Faktla bağlı Zaqatala rayon Prokurorluğunda araşdırma aparılır.

Qeyd edək ki, sentyabrın 22-si axşam saatlarından bölgədə qeyri-sabit hava şəraiti hökm sürüb, Balakən və Zaqatala rayonlarına leysan yağıb. Katex çayında suyun səviyyəsi çoxalıb, çayda gecə saatlarında qısamüddətli sel keçib.

# 10026
avatar

Oxşar yazılar