Zaqatalada minik avtomobili dərəyə aşıb.
APA-nın şimal-qərb bürosunun məlumatına görə, hadisə axşam saat 21:00 radələrində Zaqatala-Mazıx-Qəbizdərə avtomobil yolunun Qəbizdərə kəndi ərazisindən keçən hissəsində baş verib.
Rayon sakini Şəmsəddin Bəxtiyar oğlu Hüseynovun idarə etdiyi "Mitsubishi" markalı 90-XX-835 dövlət nömrə nişanlı minik avtomobili idarəetmənin itirilməsi səbəbindən yol kənarındakı dərəyə aşıb. Nəticədə sürücü Ş.Hüseynov və avtomobildə sərnişin qismində olan Zaqatala rayon sakini Əfqan Teymur oğlu Bayramov aldıqları xəsarətlə Zaqatala Rayon Mərkəzi Xəstəxanasına müraciət ediblər.
Faktla bağlı Zaqatala Rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
