Xəstəsi ölən cərraha cinayət işi açıldı
18 noyabr 2021 16:01 (UTC +04:00)

Xəstəsi ölən cərraha cinayət işi açıldı

Füzulidə həkimə cinayət işi açılıb.

Baş Prokurorluğun mətbuat xidmətindən Lent.az-a verilən məlumata görə, rayonun Araz Dilağarda kənd sakini Gülnar Ağakişiyeva və Beyləqan rayonu, Dünyamalılar kənd sakini İncibəyim Məmmədquliyevanın Füzuli rayon Mərkəzi Xəstəxanası Publik hüquqi şəxsində həkim-ümumi cərrah işləyən Azad Hüseynzadənin ayrı-ayrı vaxtlarda cərrahi əməliyyat zamanı etdiyi səhv nəticəsində Gülnar Ağakişiyevanın səhhətində fəsadların yaranması, İncibəyim Məmmədquliyevanın isə ölməsi ilə bağlı Füzuli rayon Prokurorluğunda cinayət işi başlanılaraq istintaqı aparılır.

Azad Hüseynzadə barəsində Cinayət Məcəlləsinin 314.2 ( səhlənkarlıq-eyni əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) və 311.3.2-ci (rüşvət alma- təkrar törədildikdə) maddələri ilə təqsirləndirilən şəxs qismində cəlb edilməklə ona ittiham elan edilərək, başqa yerə getməmək haqqında iltizam qətimkan tədbiri seçilib.

Qısa müddət ərzində qeyd edilən cinayət işi üzrə istintaqın yekunlaşdırılaraq məhkəməyə göndərilməsi təmin ediləcək.

# 1227
avatar

Mehman Nəbiyev

Oxşar yazılar