Zərdab rayonunda 1 nəfərin ölümü ilə nəticələnən yol qəzası baş verib. Zərdab rayon polis şöbəsindən APA-nın yerli bürosuna verilən məlumata görə, hadisə Zərdab - Ağcəbədi əsas magistral yolunun Zərdab rayonunun Bıçaqcı kəndindən keçən hissəsində qeydə alınıb. Zərdab rayonunun Bıçaqcı kənd sakini 1983 –ci il təvəllüdlü Rzayev Şahin Fizuli oğlunun idarə etdiyi “VAZ-2106” markalı minik avtomobili ilə 1968-ci il təvəllüdlü Zülfiqar Rəhimovun idarə etdiyi “QAZEL” markalı yük maşını toqquşub. Nəticədə VAZ -2106 markalı avtomobilin sürücüsü ağır bədən xəsarətləri alıb.
Xəsarət alan Ş. Rzayev Göyçay Mərkəzi Rayon Xəstəxanasına çatdırılsa da, orada ölüb.
Faktla bağlı Zərdab rayon polis şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
