Yumruqlayıb 520 manatını aldı

Bakıda quldurluq hadisəsi baş verib. Bakı şəhər Baş Polis İdarəsindən Lent.az-a verilən məlumata görə, martın 8-də NZS qəsəbəsi A.Qurban küçəsində naməlum şəxs qəsəbə sakini Fuad Cəbrayılovu yumruqla vuraraq içərisində 520 manat və metro kartı olan pul kisəsini alaraq qaçıb. Nizami RPİ 23-cü PB əməkdaşlarının keçirdiyi əməliyyat tədbirləri nəticəsində, quldurluqda şübhəli bilinən Bakı şəhər sakini Namiq Əliyev tutulub.