Tələbə internet-klubda qan tökdü - TƏFƏRRÜAT

Dekabrın 15-də Bakı şəhərinin Binəqədi rayonu ərazisində bıçaqlanma hadisəsi baş verib. Binəqədi rayon Polis İdarəsindən Lent.az-a verilən məlumata görə, şəhər sakini 18 yaşlı Orxan Abidov daxilə nüfuz edən 2 bıçaq xəsarəti ilə İ.Dağıstanlı küçəsində yerləşən internet-klubdan Kliniki Tibbi Mərkəzə daxil olub. Binəqədi RPİ CAŞ və 7-ci PB əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən Bakı şəhər sakini 19 yaşlı Emil Əliyev tutulub.

Verilən məlumata görə, gənclər internet-klubda yüksək səslə danışmaq üstündə mübahisə ediblər. Daha sonra Azərbaycan Texniki Universitetinin 2-ci kurs tələbəsi olan E.Əliyev O.Abidovu çölə çağırıb və onunla söhbət eləmək istədiyini bildirib. Gənclər internet-klubdan çıxan kimi 19 yaşlı universitet tələbəsi O.Abidovu bıçaqlayıb.

Fakt üzrə cinayət işi başlanılıb, araşdırmalar davam etdirilir.