Sumqayıtda oğurluq cinayətinin üstü açılıb. Lent.az xəbər verir ki, şəhərin 34-cü məhəlləsində Nadir Şiriyevə məxsus ev 15/16, mənzil 42-dən naməlum şəraitdə oğurluq edilib. Mənzil sahibi hadisəylə bağlı Sumqayıt şəhər Polis İdarəsinin 4-cü polis bölməsinə müraciət edib. Aparılan əməliyyat-axtarış tədbirləri nəticəsində sözügedən mənzildən oğurluq etməkdə şübhəli bilinən Sumqayıt şəhər sakini Əskərov İlqar Əskər oğlu həmin mənzilə növbəti dəfə oğurluğa gələn zaman iş başında yaxalanıb. Məlum olub ki, həmin şəxs daha əvvəl oğurluq etdiyi evə bu dəfə sərxoş halda gəlib.
Qeyd edək ki, mənzildən 1 ədəd plazma televizor,1 ədəd kompyuter və 1 ədəd videokamera oğurlandığı müəyyən edilib. Oğurlanan əşyalar polis tərəfindən sübut kimi götürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
