Bakıda tanımadığı adamı küçədə söyüşə görə bıçaqlamaqda təqsirləndirilən Ruslan Səfərovun barəsində olan hökmdən verilən apellyasiya şikayəti üzrə məhkəmə başa çatıb.
Lent.az-ın məlumatına görə, Bakı Apellyasiya Məhkəməsində hakim Əflatun Qasımovun sədrliyi ilə keçirilən prosesdə qərar elan edilib.
Hakimlər kollegiyasının qərarına əsasən Ruslan Səfərovun apellyasiya şikayəti təmin edilməyib. Bakı Ağır Cinayətlər Məhkəməsinin çıxardığı hökm dəyişdirilmədən saxlanılıb.
Qeyd edək ki, hadisə 2017-ci ildə baş verib. R.Səfərov Bakının Xətai rayonunda gecə saat 3 radələrində küçədə bir neçə şəxslə birlikdə səs-küy salıb, ucadan söyüş söydükləri üçün Elvin İsmayılov onlara irad bildirib. Bu zaman aralarında yaranan mübahisə nəticəsində R.Səfərov E.İsmayılovu bıçaqlayaraq xəsarət yetirib. Xəstəxanaya yerləşdirilən yaralının həyatını xilas etmək mümkün olub.
Təqsirləndirilən R.Səfərov əməlindən peşman olduğunu, özünü təqsirli bildiyini deyib. Söyləyib ki, hadisə heç nədən başlayan mübahisədən sonra baş verib.
Bakı Ağır Cinayətlər Məhkəməsinin hökmü ilə R.Səfərov 7 il müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
