GÜNÜN ŞƏRHİ
Ankara güc mərkəzlərindən biri ilə müttəfiq olmağa məcburdur. Qərb bunu istəmir, İsraillə müttəfiqlik heç vaxt istənilən səviyyədə olmayacaq, Türkiyənin Rusiyaya əl uzatmaqdan başqa yolu qalmır. Rusiya nə dərəcədə etibarlı müttəfiqdir sualı mübahisəlidir, amma Ankaranın da seçim imkanı azdır. Rusiyadan “C-400”lərin alınması bir iddiadır, amma bu iddialar gerçəkləşərsə, Qərb-Türkiyə münasibətlərində uçurum daha da dərinləşəcək. Çünki ölkənin hava hücumundan müdafiəsini rus texnikasına həvalə etmək NATO-ya arxa çevirmək deməkdir. Rusiya ilə təyyarə insidentində, PKK ilə müharibədə, İŞİD Kilisi raket atəşinə tutanda NATO-dan gözlənən dəstək gəlmədi. Yaxud da dəstək bəyanatlardan o yana keçmədi. 15 iyul hadisələrində NATO-nun Adanadakı hərbi bazasının oynadığı rol isə münasibətlərə qoyulan son nöqtə idi. Bu baxımdan Türkiyənin Rusiya ilə hərbi əlaqələri genişləndirmək niyyəti təəccüb doğurmur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
