Samuxda baş verən yol-nəqliyyat qəzası zamanı bir nəfər ölüb, üç nəfər xəsarət alıb. Samux rayon Polis Şöbəsindən APA-nın qərb bürosuna verilən məlumata görə, hadisə sentyabrın 17-də axşam saatlarında rayonun Tatlı kəndi ərazisində qeydə alınıb.
Samux rayon sakini Emin Hümmətov idarə etdiyi “VAZ 21011” markalı avtomobili ilə hərəkətdə olarkən idarəetməni itirərək avtomobili aşırıb. Nəticədə avtomobildə olan sərnişinlərdən Tural Məhərrəmov hadisə yerindəcə dünyasını dəyişib. Digər üç sərnişin - Mübariz Məmmədov, Fərhad Əliyev və sürücü ağır xəsarətlər alaraq xəstəxanaya yerləşdiriliblər.
Faktla bağlı Cinayət Məcəlləsinin 263.2 (nəqliyyatda ehtiyatsızlıqdan zərər çəkmiş şəxsin ölümünə səbəb olduqda) maddəsi ilə iş açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
