Sabah Bakıda Azərbaycan Fövqəladə Hallar Nazirliyinin (FHN) qüvvə və vasitələrinin iştirakı ilə genişmiqyaslı taktiki təlim keçiriləcək.
APA-nın məlumatına görə, təlim üç komponent – yer, hava və dəniz üzrə keçiriləcək.
Təlimdə FHN əməkdaşları tərəfindən müxtəlif xilasetmə epizodları icra olunacaq. Həmçinin Azərbaycan FHN-in inventarındakı avadanlıqlar və texnikalar qonaqlara nümayiş etdiriləcək.
Təlimi Beynəlxalq Mülki Müdafiə Təşkilatının baş katibi və bu təşkilatın təşəbbüsü ilə Azərbaycanda keçirilən beynəlxalq konfransda iştirak edən müxtəlif ölkələrin fövqəladə hallar nazirləri və müvafiq qurumlarının nümayəndələri də izləyəcəklər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
