“Biz gecə-gündüz işləyirik”

Baş prokurorun müavini Rüstəm Usubov Azərbaycanda terror aktı törətməyə cəhd göstərmiş şəxslər barəsində danışıb. Lent.az-ın məlumatına görə, R.Usubov deyib ki, “Eurovision-2012” mahnı müsabiqəsi zamanı Padarovun başçılıq etdiyi cinayətkar dəstə ifşa edilib: “ Biz qısa müddətdə bu cinayətkar qrupu ifşa etdik. Qrupun üzvləri həbs edildi. Hazırda bu qrupun 29 üzvünün məhkəməsi gedir. Təəssüflər olsun ki, cinayətkar qrupun üzvü Gəncədə müqavimət göstərərkən qətlə yetirildi, MTN-nin bir əməkdaşı isə həyatını itirdi. Biz gecə-gündüz işləyirik ki, əmin-amanlıq olsun, insanlar dinc yaşasınlar”.