Bakıda tanışının evində quldurluq edən şəxs saxlanılıb. Bakı şəhər Baş Polis İdarəsindən Lent.az-a verilən məlumata görə, oktyabrın 21-də R. Teymurov küçəsində yaşayan Fatimə Hacıyevanı yaşadığı mənzildə tanışı, Nadir adlı şəxs bıçaqla hədələyib. Həmin şəxs qadının 2000 manat pulunu, qızıl-zinət əşyalarını və sənədlərini götürərək uzaqlaşıb. Nizami RPİ 25-ci Polis Bölməsi əməkdaşlarının keçirdikləri əməliyyat tədbirləri nəticəsində quldurluqda şübhəli bilinən Bakı şəhər sakini, əvvəllər məhkum olunmuş 1979-cu il təvəllüdlü Nadir Dəmirov tutulub.
Araşdırmalar davam etdirilir.