MTN-də yeni təyinatlar olub

Milli Təhlükəsizlik Nazirliyində yeni təyinatlar olub. Lent.az-ın məlumatına görə, bu barədə virtualaz.org saytı xəbər yayıb.

Məlumata görə, polkovnik İsmayıl Bağırov milli təhlükəsizlik nazirinin vəzifəsini icra edən general-leytenant Mədət Quliyevin bu gün imzaladığı əmrlə MTN Əks-Kəşfiyyat İdarəsinin rəisi təyin edilib. General Quliyevin digər əmri ilə isə polkovnik Sahib Nağıyev nazirin katibliyinin rəis müavini təyin olunub.

Mədət Quliyevin əmri ilə Ceyhun Şadlinski MTN-in Transmilli Mütəşəkkil Cinayətkarlıqla Mübarizə İdarəsinin rəisi vəzifəsinə təyinat alıb.

MTN-in İstintaq İdarəsinin rəisi, general-mayor Mövlan Şıxəliyev və MTN əməkdaşı Elşad Mahmudov isə tutduqları vəzifədən azad olunublar.

Virtualaz.org onu da qeyd edib ki, hazırda sərəncamda olan Elşad Mahmudov sabiq nazir Eldar Mahmudovun qohumu deyil.