Iki ev və bir ot tayası yanıb

Mingəçevir şəhərində 9 mərtəbəli yaşayış binasının 8-ci mərtəbəsində yaşayan vətəndaşa məxsus ümumi sahəsi 39 kv.m olan 3 otaqlı mənzilin 1 otağının yanar konstruksiyaları və ev əşyaları 17 kv.m sahədə yanıb. Mənzilin qalan hissəsi yanğından mühafizə olunub.

Lent.az-ın FHN-nin saytına istinadən məlumatına görə, Cəlilabad rayonu, Günəşli kəndində (rayon mərkəzindən 23 km aralı) vətəndaşa məxsus həyətyanı sahəyə yığılmış 7,5 ton ot bağlamasının 3 tonu yanıb. Ot bağlamasının qalan hissəsi yanğından mühafizə olunub.

Cəlilabad şəhərində vətəndaşa məxsus həyətyanı sahədə 3 ton ot bağlamasının 1 tonu yanıb. Ot bağlamasının qalan hissəsi yanğından mühafizə olunub.

Zərdab rayonu, Pərvanlı kəndində (rayon mərkəzindən 17 km aralı) vətəndaşa məxsus ümumi sahəsi 143 kv.m olan 1 mərtəbəli 4 otaqlı evin yanar konstruksiyaları yanıb. Yaxınlıqdakı evlər yanğından mühafizə olunub.

Bütün yanğınlar yanğınsöndürənlər tərəfindən söndürülüb.