Hökumət evinin qarşısında avtomobillərin “qaydasız döyüşü” KAMERALARDA

Lent.az Bakıda baş verən bəzi qəzaların görüntülərini təqdim edir. Daxili İşlər Nazirliyinin “Təhlükəsiz şəhər” Avtomatlaşdırılmış İdarəetmə Mərkəzinin kameraları vasitəsilə qeydə alınan bu qəzalar Hökumət Evinin qarşısında, Azadlıq meydanının baş tərəfində qeydə alınıb.

Həmin ərazidə 8 zolaqlı yol var. Bəzi sürücülər dönmə əməliyyatını düzgün yerinə yetirməyərək 3 və 4-cü zolaqdan sola dönməyə çalışırlar. Bu da ağır qəzaya səbəb olur. Əslində isə həmin yolda sadəcə birinci və ikinci zolaqda, asfalt üzərində sola dönməni bildirən yol nişanları mövcuddur. Təəssüflər olsun ki, bəzi sürücülər həmin ərazidə 1 və 2-ci zolaqda hərəkət edərkən, sola dönmədən hərəkəti davam etdirirlər. Bunu görə-görə bəzi sürücülər də zolaqdan sola manevr edirlər. Bu halda qəza qaçılmazdır. Görüntülərə diqqətlə baxsanız görərsiniz ki, “Range Rover” markalı avtomaşın hətta 8-ci zolaqdan 1-ci zolağa keçməyə cəhd edir və bu da qəza ilə nəticələnir.