Həbsxanadakı ərinə heroin gətirən qadın tutuldu

Penitensiar Xidmətin və 7 saylı cəzaçəkmə müəssisəsinin əməliyyat aparatları tərəfindən müəssisəyə narkotik vasitələrin keçirilməsi cəhdinin qarşısı alınıb. Lent.az-ın məlumatına görə, dekabrın 17-də həyata keçirilmiş əməliyyat-axtarış tədbirləri nəticəsində 7 saylı cəzaçəkmə müəssisəsində cəza çəkən 1979-cu il təvəllüdlü, Azərbaycan Respublikası Cinayət Məcəlləsinin 177.2.4; 206.4; 234.4.1; 234.4.3; 66.3-cü maddələri ilə təqsirli bilinərək 8 il müddətinə azadlıqdan məhrum edilmiş məhkum Bəşirov Əli İmaməli oğluna həyat yoldaşı Astara rayon sakini Məmmədova Bahar Əli qızının gətirdiyi sovqata baxış keçirilən zaman orada olan “Üç inək” pendirinin içərisindən ağ sellofana bükülmüş ümumi xalis çəkisi 2,7 qram olan narkotik maddə - “Heroin” aşkar edilərək götürülüb.

Fakt üzrə araşdırma aparılır.

Qeyd edək ki, saxlanılan qadın müəssisədə cəza çəkən Ə.Bəşirovun həyat yoldaşı olub.