Avtobus qəzasında yaralananların adları açıqlandı - YENİLƏNİB

Hacıqabulda avtobusun aşması ilə nəticələn yol qəzasında xəsarət alan şəxslərin adları məlum olub.

APA-nın Mil-Muğan bürosunun məlumatına görə, “PAZ” markalı 24-AC-227 dövlət qeydiyyat nişanlı avtobus aşması nəticəsində 1980-cı il təvəllüdlü Qafarova Rəşidə Ağamalı qızı, 1966-ci il təvəllüdlü Abdullayeva Dürdanə Ağadadaş qızı və 1966-cı il təvəllüdlü Abbasova Arzu Ağarıza qızı orta dərəcəli xəsarətlərlə Şirvan şəhər xəstəxanasının travmatologiya şöbəsinə yerləşdirilib.

Digər sərnişinlər xəsarət almayıb.

***

Hacıqabulda yol qəzası baş verib.

APA-nın Mil-Muğan bürosunun məlumatına görə, hadisə Ağacanlı kəndində qeydə alınıb.

Belə ki, quşçuluq fabrikinin fəhlələrini daşıyan avtobus yoldan çıxaraq aşıb. İlkin məlumata əsasən, qəza nəticəsində 4 nəfər xəsarət alıb. Yaralılar Şirvan şəhər xəstəxanasına yerləşdirilib. Hadisənin təfərrüatları müəyyənləşdirilir.