Gülər Əhmədova: “Özümü öldürmək istəmişəm” - VİDEO

Bakı Ağır Cinayətlər Məhkəməsində sabiq millət vəkili Gülər Əhmədovanın məhkəmə iclası keçirilir. Lent.az-ın məhkəmə iclasını izləyən əməkdaşının sözlərinə görə, Əlisultan Osmanovun sədrliyi ilə keçirilən iclasda G. Əhmədova ittihamçı prokuror Eldar Həmzəyevin suallarını cavablandırıb. G. Əhmədova prokurorun “Sevinc Babayeva öləndən sonra hansı addımları atdınız” sualına cavabında bildirib ki, özünü pis edib, bir dəfə insult keçirib: “Hətta özümü öldürmək də istəmişəm. Buna görə özümə qəsd də etmişəm”.

Sabiq millət vəkili ittiham sənədi ilə necə tanış olduğuna da aydınlıq gətirib: “Oğlumun ad günü idi. Hazırlaşdım evdən çıxmağa, bu zaman vəkilim Eldar zəng edərək mənə bildirdi ki, bir sənədə qol çəkmək lazımıdır. Məlum oldu ki, bu, mənə qarşı ittiham sənədidir”.