FHN yarım ilin statistikasını açıqladı – STATİSTİKA

Fövqəladə Hallar Nazirliyi 2013-cü ilin I yarımilliyi ərzində respublika ərazisində baş vermiş təbii və texnogen mənşəli hadisələrin statistikasını yayıb. Lent.az-ın nazirliyin saytına istinadən verdiyi məlumata görə, 6 ay ərzində 3824 təbii və texnogen mənşəli hadisə baş verib ki, bu da 2012-ci ilin müvafiq dövrü ilə müqayisədə 238 hadisə və ya 6% azdır. Baş vermiş təbii və texnogen mənşəli hadisələr nəticəsində 46 nəfər həlak olub, 65 nəfər xəsarət alıb. Nazirliyin xilasediciləri tərəfindən 4 nəfər xilas edilmiş, 63 nəfər təxliyə olunmuşdur.

Bundan başqa 2013-cü ilin I yarımilliyi ərzində baş vermiş yanğınların aradan qaldırılması üçün daxil olmuş müxtəlif çağırışlar üzrə operativ olaraq 3723 çıxış edilib. Onlardan çoxmənzilli yaşayış binalarında və fərdi yaşayış evlərində yanğınların sayı 886, açıq sahələrdə yanğınlar 1917, nəqliyyat vasitələrində yanğınlar 180, digərləri isə 740 çıxış təşkil edib. Yanğın hadisələri zamanı 35 nəfər həlak olub, 44 nəfər xəsarət alıb ki, bu da ötən ilin müvafiq dövrü ilə müqayisədə yanğından həlak olanlar üzrə 1 nəfər və ya 3% çox, xəsarət alanlar üzrə isə 5 nəfər və ya 10% azdır.

Yanğınların növü	Yanğınların sayı (ədədlə)		İnsan tələfatı (nəfərlə)		Xəsarət alanlar (nəfərlə)
Yanğınların növü	2012	2013	2012	2013	2012	2013
Çoxmənzilli yaşayış binalarında və fərdi yaşayış evlərində yanğınlar	1004	886	26	24	39	28
Açıq sahələrdə yanğınlar	2053	1917	-	-	-	-
Nəqliyyat vasitələrində yanğınlar	159	180	3	6	3	8
Digər yanğınlar	744	740	5	5	7	8
Cəmi:	3960	3723	34	35	49	44

Hadisələrin növü	Hadisələrin sayı (ədədlə)		İnsan tələfatı (nəfərlə)		Xəsarət alanlar (nəfərlə)		Xilas edilənlər (nəfərlə)		Təxliyə (nəfərlə)
Hadisələrin növü	2012	2013	2012	2013	2012	2013	2012	2013	2012	2013
Təbii mənşəli hadisələr	69	69	4	-	8	4	125	-	-	32
Texnogen mənşəli hadisələr	3993	3755	39	46	58	61	18	4	26	31
Cəmi:	4062	3824	43	46	66	65	143	4	26	63