Bakının üzərini örtən qatı dumanın səbəbi nədir? <span style="color:red;">- RƏSMİ AÇIQLAMA
29 may 2016 17:16 (UTC +04:00)

Bakının üzərini örtən qatı dumanın səbəbi nədir? - RƏSMİ AÇIQLAMA

Bu gün səhər saatlarından etibarən Bakının, eləcə də ölkənin bir sıra rayonlarının üzərini toz-duman qatı örtüb. Lent.az-ın məlumatına görə, toz qatı bəzi yerlərdə o qədər güclü olub ki, havanın buludsuz olmasına baxmayaraq Günəş belə görünməyib.

 

 

Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamentinin direktor müavini Mətanət Avazova Lent.az-a açıqlamasında deyib ki, artıq ikinci gündür ki, Azərbaycanın üzərinə cənub istiqamətindən toz kütlələri daxil olur: “Bunun səbəbi Ərəbistan yarımadasında artıq 4 gündür ki, davam edən toz burulğanlarıdır. Artıq mayın 27-də axşam saatlarında atmosferdəki toz kütlələri Azərbaycana da çatıb. Lakin həmin gün və dünən hava şəraiti elə idi ki, bu o qədər də hiss edilmirdi və atmosferdəki tozun miqdarı 1 kub metr üçün 27-30 mikroqram həddində idi. Lakin bu gün toz kütlələrinin həcmi daha da artıb və gözlə görünəbilən səviyyə çatıb. Hazırda Bakıda havada tozun miqdarı 1 kubmetr üçün 47 mikroqrama çatıb”.

 

Nazirlik rəsmisi əlavə edib ki, son günlər Türkmənistan səhralarında da qum burulğanları qeydə alınır və Xəzər dənizi üzərindən də ölkəmizə tozlu hava kütlələri daxil olur: “Lakin bununla belə əsas çirkli hava kütlələri Ərəbistan istiqamətində daxil olub. Sabahdan etibarən toz kütlələrinin çökəcək və hava açılacaq”.

 

M.Avazova onu da bildirib ki, havada tozun miqdarı ilə bağlı norma 1 kub metrdə 50 mikroqram səviyyəsindədir: “Əgər atmosferdə bu səviyyədən artıq tozluluq müşahidə edilərsə əhaliyə xəbərdarlıq edilə bilər”.

 

Qeyd edək ki, hazırda ölkədə müşahidə edilən hava şəraiti əsasən tənəffüs yolları və ürək-damar xəstəlikləri olanlar üçün əlverişsizdir.  

# 236
avatar

Nizam Rza

Oxşar yazılar

Şəkidə  maşının vurduğu   68 yaşlı qadın öldü

Şəkidə maşının vurduğu 68 yaşlı qadın öldü

29 fevral 2024 , 18:29
Qadın həbsdəki tanışına  gödəkçənin içində   narkotik gətirdi

Qadın həbsdəki tanışına gödəkçənin içində narkotik gətirdi

29 fevral 2024 , 17:03
Bakıda 6 evdən oğurluq edən tutuldu - VİDEO

Bakıda 6 evdən oğurluq edən tutuldu - VİDEO

29 fevral 2024 , 16:50
Mahir Əzimov həbsdə öldü

Mahir Əzimov həbsdə öldü

29 fevral 2024 , 16:00
Bakı sakini evində diri-diri yandı

Bakı sakini evində diri-diri yandı

29 fevral 2024 , 15:42
Binadan yıxılan qız təcili yardım gəlmədiyi üçün öldü

Binadan yıxılan qız təcili yardım gəlmədiyi üçün öldü

29 fevral 2024 , 14:21
Kişi ad günündə  ilbiz yeyib öldü

Kişi ad günündə ilbiz yeyib öldü

29 fevral 2024 , 13:00
Vilayət Eyvazov onu rəis təyin etdi

Vilayət Eyvazov onu rəis təyin etdi

29 fevral 2024 , 12:42