Aeroport yolunda ağır qəza: avtomobillər yandı - YENİLƏNİB

Fövqəladə Hallar Nazirliyi bu gün Bakı şəhərinin Suraxanı rayonunda baş vermiş avtomobil qəzası ilə bağlı məlumat yayıb. Lent.az-ın nazirliyin saytına istinadən verdiyi məlumata görə, vətəndaşa məxsus "VAZ" markalı minik avtomobilinin yanar hissəsləri və digər vətəndaşa məxsus "Mercedes" markalı minik avtomobilinin qapısının üzlüyü yanıb. Avtomobilin qalan hissəsi yanğından mühafizə olunub. Yanğın saat 13:09-da yanğınsöndürənlər tərəfindən söndürülüb.

Qeyd edək ki, yanğın avtomobillərin toqquşması nəticəsində baş verib. Qəzada 2 nəfər müxtəlif dərəcəli bədən xəsarətləri alıb.

*****

13:14

Bu gün Bakı şəhərinin Suraxanı rayonu ərazisində, Aeroport şosesinin keçmiş “Komsomol” dairəsindən keçən hissəsində “Mercedes E Class” və “VAZ 21011” markalı avtomobillər toqquşub. Hadisə şahidlərinin Lent.az-a verdiyi məlumata görə, qəzadan sonra “VAZ 21 011” yanmağa başlayıb.

Avtomobilin sürücüsü və sərnişini isə yaxınlıqdan keçən şəxslər tərəfindən xəstəxanaya aparılıb.

Qəzanın səbəbi hələlik məlum deyil.