Suraxanıda 3 nəfər qazdan boğularaq ölüb - YENİLƏNİB

Bakı şəhərinin Suraxanı rayonunda dəm qazından daha bir boğulma faktı qeydə alınıb. Rayon Polis İdarəsindən Lent.az-a bildirilib ki, bu gün Qaraçuxur qəsəbə sakini, 1972-ci il təvəllüdlü İsgəndərov Araz İliç oğlunun yaşadığı mənzildə meyitinin tapılması barədə məlumat daxil olub. Dərhal əməliyyat qrupu həmin ünvana gedib. Məlum olub ki, 40 yaşlı A.İsgəndərov dəm qazından boğularaq ölüb. Meyit ekspertizaya göndərilib. Hadisənin səbəbləri araşdırılır

***

10:45

Dekabrın 17-də Bakı şəhərinin Suraxanı rayonu ərazisində 2 nəfər dəm qazından boğularaq ölüb. Suraxanı Rayon Polis İdarəsindən Lent.az-a verilən məlumata görə, Qaraçuxur qəsəbəsində, qəsəbə sakini 1954-cü il təvəllüdlü Daşdəmirov Bəhruz Kamandar oğlu mənzilində dəm qazından boğularaq ölüb.

Oxşar hadisə rayonun Yeni Günəşli qəsəbəsi, “AB” yaşayış massivində də qeydə alınıb. 12 yaşlı Rahib Nəbiyev yaşadığı evin hamamında dəm qazından boğularaq ölüb.

Hər iki faktla əlaqədar Suraxanı rayon Prokurorluğunda araşdırma aparılır.