Paytaxtda və Yardımlıda yanğın hadisəsi qeydə alınıb. Lent.az-ın Fövqəladə Hallar Nazirliyinin saytına istinadən verdiyi xəbərə görə, Bakıda yanğın Qaradağ rayonunda vətəndaşa məxsus ümumi sahəsi 300 kv.m olan avtomobil təmiri sexində baş verib. Nəticədə 60 kv.m sahəyə yığılmış istifadəyə yararsız avtomobil təkərləri yanıb. Sexin qalan hissəsi yanğından mühafizə olunub.
Bundan başqa Yardımlı rayonunun Hamarkənd kəndində vətəndaşa məxsus ümumi sahəsi 180 kv.m olan ikimərtəbəli 4 otaq və aynabənddən ibarət evdə yanğın olub. Nəticədə evin yanar konstruksiyaları və dam örtüyü yanıb. Yaxınlıqdakı tikililər yanğından mühafizə olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
