Bakı şəhərinin Suraxanı rayonu ərazisində ağır yol qəzası baş verib. Rayon Polis İdarəsindən Lent.az-a verilən məlumata görə, Bülbülə qəsəbəsi, Səttar Bəhlulzadə küçəsi 10 ünvanının qarşısında “Cherry” markalı avtomobil sürücünün idarəetməsindən çıxıb. Yüksək sürətlə hərəkət edən avtomobil əvvəlcə piyadanı vurub, daha sonra isə yol kənarında hasara çırpılıb. Nəticədə piyada, 41 yaşlı Viktor Axundov hadisə yerindəcə keçinib. Avtomobildə olan 4 nəfər: Rəşad Qədirov, Manaf Süleymanov, Mütəllim Məhərrəmov və Ziya Zamanov müxtəlif dərəcəli bədən xəsarətləri ilə 3 saylı Şəhər Klinik Xəstəxanasına yerləşdirilib.
Faktla bağlı Sabunçu RPİ-də cinayət işi açılıb. İlkin məlumata görə, qəzaya piyadanın yolun hərəkət zolağına çıxması səbəb olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
