Abşeronda 11 yaşlı oğlan faciəvi şəkildə öldü - YENİLƏNİB

Daxili İşlər Nazirliyi Abşeron rayonunda baş vermiş ağır yol qəzası ilə bağlı məlumat yayıb. Lent.az nazirliyin mətbuat xidmətinə istinadən xəbər verir ki, aprelin 30-da saat 15 radələrində Abşeron rayonunun Cəngi qəsəbəsində Şamaxı şəhər sakini Mirələm Heydərov idarə etdiyi “Mercedes” markalı avtomobili beton yol ayrıcısına vurub. Nəticədə M.Heydərovun sərnişini, Bakı şəhər sakini olan nəvəsi - 11 yaşlı Əli Bəbirov xəstəxanaya aparılarkən yolda ölüb, özü isə xəstəxanaya yerləşdirilib.

Baş İstintaq və Təhqiqat İdarəsi tərəfindən araşdırma aparılır.

****

10:03

Abşeron rayonu ərazisində ağır yol qəzası baş verib. Lent.az xəbər verir ki, Bakı-Şamaxı yolunun 17-ci kilometrliyində Heydərov Mirələm Mirheydər oğlunun sürdüyü "Mercedes" markalı avtomobil yolun ortasındakı beton maneəyə çırpılıb. Nəticədə sürücü müxtəlif dərəcəli xəsarətlər alıb. Avtomobildə olan sərnişin, 2007-ci il təvəllüdlü Bəbirov Əli Natiq oğlu isə aldığı xəsarətlərdən vəfat edib.

Faktla bağlı cinayət işi açılıb, araşdırma aparılır.