Bakının mərkəzində gənclər arasında kütləvi dava: <span style="color:red;">4 nəfər həbs edilib
23 iyul 2014 11:53 (UTC +04:00)

Bakının mərkəzində gənclər arasında kütləvi dava: 4 nəfər həbs edilib

Bakı şəhər Baş Polis İdarəsi Xaqani bağında baş vermiş kütləvi dava ilə bağlı məlumat yayıb. Lent.az-ın məlumatına görə, bildirilir ki, iyulun 22-i saat 05:35 radələrində, R.Rza küçəsində yerləşən Xaqani bağının yaxınlığından  Bakı şəhər sakini, 1989-cu il təvəllüdlü Şahin Quliyev 4  bıçaq yarası ilə Kliniki Tibbi Mərkəzə yerləşdirilib. DİN BDYPİ və Səbail RPİ 39-cu PB əməkdaşlarının keçirdikləri əməliyyat tədbirləri nəticəsində, cinayətdə şübhəli bilinən Şirvan şəhər sakinləri, 1991-ci il təvəllüdlü Kərim Kərimov, 1992-ci il təvəllüdlü Əli Süleymanov, 1993-cü il təvəllüdlü Fuad Əliyev və 1995-ci il təvəllüdlü İlham Sadıyev tutulub.

 

Araşdırmalar davam etdirilir.

 

*****

 

22 iyul, 10:41

 

İyulun 22-nə keçən gecə Bakı şəhərinin Səbail rayonunda bıçaqlanma hadisəsi baş verib. Rayon Polis İdarəsindən Lent.az-a verilən məlumata görə, Rəsul Rza küçəsində, Xəqani bağında naməlum şəxs və ya şəxslər 1989-cu il təvəllüdlü Quliyev Şahin Elçin oğlunu bıçaqlayıb. Bədəninin müxtəlif nahiyələrində 4 bıçaq yarası almış 45 yaşlı kişi ağır vəziyyətdə Kliniki Tibbi Mərkəzə yerləşdirilib.

 

Hadisənin kim tərəfindən və nə səbəbdən törədilməsi hələlik məlum deyil. Faktla bağlı cinayət işi açılıb, araşdırmalar aparılır.

# 4977
avatar

Nizam Rza

Oxşar yazılar