Bakının Nəsimi rayonunda zəncirvari qəza törədən sürücü hadisə yerindən qaçıb.
APA-nın məlumatına görə, hadisə Mirəli Qaşqay və Mikayıl Rəfili küçələrinin kəsişməsində qeydə alınıb.
"Ford" markalı maşın öncə "Great Wall" markalı maşını vurub. Daha sonra yol kənarında dayanan "Hyundai"ya çırpılıb. Qəza nəticəsində "Great Wall"ın sürücüsü xəsarət alıb. Hadisə yerinə təcili yardım çağırılıb, yaralı sürücüyə ilkin tibbi yardım göstərilib.
"Hyundai"ın sürücüsü Elşən Məmmədovun sözlərinə görə, qəzadan sonra "Ford"un sürücüsü qaçıb. Hadisə yerinə gələn Dövlət Yol Polisinin Nəsimi Rayon Şöbəsinin əməkdaşları qaçan sürücünün axtarışlarına başlayıblar. Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
