Gəncədə mənzil yandı - evdən qadın meyiti tapıldı - YENİLƏNİB

Fövqəladə Hallar Nazirliyi (FHN) Gəncədə mənzildə baş vermiş yanğınla bağlı məlumat yayıb.

APA-nın FHN-in saytına istinadən verdiyi xəbərə görə, Gəncə şəhəri, Nizami rayonunda ümumi sahəsi 34 m2 olan 1 otaqlı mənzilin yanar konstruksiyaları və ev əşyaları yanıb.

Yanğının kəşfiyyatı zamanı mənzildən 1950-ci il təvəllüdlü Katibi Natella Əli qızının yanmış meyiti aşkar olunub. Yanğınsöndürənlər tərəfindən 20 nəfər bina sakini təhlükəsiz yerə təxliyə olunub.

Qonşu mənzillər yanğından mühafizə olunub. Yanğın yanğın bölmələri tərəfindən söndürülüb.

***

Gəncədə ölümlə nəticələnən yanğın hadisəsi baş verib.

APA-nın gərb bürosunun məlumatına görə, hadisə Nəriman Nərimanov prospekti, bina 37, mənzil 3 ünvanında qeydə alınıb.

Hadisə yerinə Gəncə Yanğından Mühafizə İdarəsinin 20-yə yaxın əməkdaşı və texnikası cəlb olunub. Yanğın nəticəsində 1 otaqlı mənzil əşyaları ilə birgə tamamilə yanıb. Alov yanğınsöndürənlər tərəfindən söndürülüb.

Yanğının kəşfiyyatı zamanı yanğınsöndürənlər tərəfindən 1950-ci il təvəllüdlü Katibi Natella Əli qızının yanmış meyiti aşkar olunub.

Faktla bağlı hüquq-mühafizə orqanları tərəfindən araşdırma aparılır.