Binəqədidəki yanğına görə tutulan laboratoriya rəhbəri ifadə verdi - <span style="color:red;">YENİLƏNİB
09 avqust 2016 14:28 (UTC +04:00)

Binəqədidəki yanğına görə tutulan laboratoriya rəhbəri ifadə verdi - YENİLƏNİB

 

Bu gün Bakı Ağır Cinayətlər Məhkəməsində Binəqədi rayonunda yaşayış binasında baş verən yanğınla bağlı təqsirləndirilən şəxslərin cinayət işi üzrə məhkəmə prosesi davam etdirilib.

 

APA-nın məlumatına görə, hakim Əfqan Hacıyevin sədrliyi ilə keçirilən prosesdə zərərçəkmiş şəxslər ifadə veriblər.

 

Hakim qeyd edib ki, zərərçəkmişlərin böyük əksəriyyəti dindirilib, lakin 27 zərərçəkmiş məhkəməyə gəlməyib və onların barəsində məcburi gətirilmə qərarı çıxarılıb. O təklif edib ki, digər zərərçəkmişlər prosesə gələnə qədər təqsirləndirilən şəxslər ifadə versinlər.

 

Təqsirləndirilən Miryusif Mahmudov, Ələkbər Əsgərov, Uğur Bəşirov və Qəzənfər Novruzov ifadə verməyə hazır olmadıqlarını deyiblər.

 

“Dərnəgül Boru" Zavodunun laboratoriya rəhbəri Ağacavad Məmmədov isə ifadəsində təqsirləndirilən şəxslərdən heç kimi tanımadığını və özünü təqsirli bilmədiyini deyib. Onun sözlərinə görə, poliuretan materialı laboratoriyada dəyərləndirilib və materialın çətin yanan olduğu müəyyənləşib. O qeyd edib ki, yalnız 2010 və 2011-ci illərdə materialın sınaq yoxlamasını keçiriblər: "Bundan sonra çətin yanan material kimi rəy protokolunu imzaladım. Mənim əsas iş yerim Bakı Dövlət Universitetidir. Mən bu zavodda yalnız müqavilə əsasında məsləhətçi kimi çalışmışam".

 

Proses avqustun 11-də davam etdiriləcək. 

 

**

12:39

Bu gün Bakı Ağır Cinayətlər Məhkəməsində Binəqədi rayonunda yaşayış binasında baş verən yanğınla bağlı təqsirləndirilən şəxslərin cinayət işi üzrə məhkəmə prosesi davam etdirilib.

 

APA-nın məlumatına görə, hakim Əfqan Hacıyevin sədrliyi ilə keçirilən prosesdə zərərçəkmiş şəxslər ifadə veriblər.

 

Prosesdə təqsirləndirilənlərdən biri,  Binəqədi rayon İcra Hakimiyyəti başçısının sabiq birinci müavini Qəzənfər Novruzovun vəziyyəti qəflətən pisləşib, təcili tibbi yardım çağırılıb.

 

Məhkəmədə fasilə elan olunub.

 

Qeyd edək ki, ötən il mayın 19-da paytaxtın Binəqədi rayonu ərazisində çoxmərtəbəli yaşayış binasında ağır nəticələrə səbəb olmuş yanğınla bağlı binaların üzlənməsində istifadə olunan “poliuretan” məmulatını istehsal edən "Qlobal Stone" və "Global Constuction" MMC təsisçisi Yusif Mahmudov, “Qlobal Stone” MMC-nin baş direktoru Uğur Bəşirov, “Global Construction” MMC-nin sədr müavini Ələkbər Əsgərov, 2012-2013-cü illərdə Binəqədi rayon mənzil-kommunal təsərrüfat birliyinin rəisi işləmiş rayon icra hakimiyyətinin təsərrüfat şöbəsinin müdiri Ədalət Rəcəbov, Binəqədi rayonu, 72 saylı mənzil-kommunal istismar sahəsinin rəisi Nizami Orucov və binanın poliuretan materialla üzlənməsi işlərinə nəzarət funksiyalarını həyata keçirməli olan, 2012-2013-cü illərdə Binəqədi rayon İcra Hakimiyyəti başçısının birinci müavini işləmiş Qəzənfər Novruzov, Cinayət Məcəlləsinin 225.2-ci (ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə təqsirləndirilən şəxs qismində cəlb edilərək barələrində məhkəmənin qərarları həbs qətimkan tədbiri seçilib. Bundan başqa, cinayət işinə "Dərnəgül Boru" Zavodunun laboratoriya rəhbəri Ağacavad Məmmədov və Səhiyyə Nazirliyi yanında Gigiyena və Epidemiologiya Mərkəzinin baş direktoru Akif Əlibəyov da cəlb edilib. Onlar barəsində həbs-qətimkan tədbiri seçilməyib.

 

Yanğın nəticəsində 15 nəfər ölüb, 50 nəfər xəsarət alıb. 

# 191
avatar

APA Baycan

Oxşar yazılar

Bakıda “BMW” və "Hyundai" toqquşdu , xəsarət alanlar var

Bakıda “BMW” və "Hyundai" toqquşdu, xəsarət alanlar var

15 aprel 2024 , 02:18
Gəncədə avtomobil evlə birlikdə  yandı -FOTO

Gəncədə avtomobil evlə birlikdə yandı -FOTO

15 aprel 2024 , 01:51
Bakıda gənc oğlan bıçaqlandı

Bakıda gənc oğlan bıçaqlandı

14 aprel 2024 , 23:52
Qəbələdə güclü yanğın: iki ton ot bağlaması yandı

Qəbələdə güclü yanğın: iki ton ot bağlaması yandı

14 aprel 2024 , 21:41
Azyaşlı belə xilas edildi-VİDEO

Azyaşlı belə xilas edildi-VİDEO

14 aprel 2024 , 19:27
Bakıda mənzildə meyit tapıldı

Bakıda mənzildə meyit tapıldı

14 aprel 2024 , 17:33
İmişlidə  FACİƏ:   iki məktəblini "tok" vurub  öldürdü -YENİLƏNİB

İmişlidə FACİƏ: iki məktəblini "tok" vurub öldürdü-YENİLƏNİB

14 aprel 2024 , 16:46
Gəncədə zəncirvarı qəza

Gəncədə zəncirvarı qəza

14 aprel 2024 , 15:36