14 nəfəri ilan, 4 nəfəri qaraqurd sancıb

Bu ilin iyul ayı ərzində Azərbaycanda ilan sancan 14 nəfər xəstəxanaya yerləşdiriiib.

Klinik Tibbi Mərkəzin Toksikologiya şöbəsinin müdiri Azər Maqsudov APA-ya açıqlamasında deyib ki, ilan sancma hadisələri əsasən Bakıətrafı qəsəbələrdə, Şamaxı, Qəbələ, Aran rayonlarında qeydə alınıb. Ümumilikdə aprel ayından indiyədək (4 ay ərzində) Azərbaycanda ilan sancma ilə bağlı 68 nəfər xəstəxanaya yerləşdirilib. İlan sacmadan ölüm halı qeydə alınmayıb.

Cari ilin iyul ayı ərzində 8 nəfəri əqrəb, 4 nəfəri isə qaraqurd sancıb və onlar xəstəxanaya yerləşdirilib. Onlardan biri 4 yaşlı uşaq olub. Bu vaxta kimi əqrəb sancmasından da ölüm halı qeydə alınmayıb.