Ürəyindən bıçaqlanan gənc öldü-YENİLƏNİB

Martın 16-sı saat 00:05 radələrində 1993-cü il təvəllüdlü Əli Seyidlinin paytaxtın Sabunçu rayonunda yaşadığı fərdi yaşayış evinin qarşısında ölməsinə dair rayon prokurorluğuna məlumat daxil olub.

Baş Prokurorluqdan Lent.az-a bildirilib ki, ilkin araşdırma zamanı Əli Seyidlinin ürək nahiyəsindən kəsici-deşici, üz nahiyəsindən isə küt alətlə yetirilmiş xəsarət nəticəsində qəsdən öldürülməsinə əsaslı şübhələr müəyyən edilib.

Fakta görə Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Cinayəti törətməkdə şübhəli bilinən şəxs(lər)in müəyyən edilməsi üçün prokurorluq və daxili işlər orqanlarının əməkdaşlarından ibarət istintaq-əməliyyat qrupu tərəfindən zəruri tədbirlər həyata keçirilir.

Nəticəsi barədə əlavə məlumat veriləcəkdir.

***

07.37

Martın 16-da saat 01 radələrində Sabunçu rayonu Mastağa qəsəbəsində 1993-cü il təvəllüdlü Əli Seyidlinin kəsici-deşici alətlə öldürülməsi barədə polisə məlumat daxil olub.

DİN-in mətbuat xidmətindən Lent.az-a bildirilib ki, cinayət əməlini törətməkdə şübhəli bilinən şəxsin saxlanılması istiqamətində tədbirlər görülür.

Əlavə məlumat veriləcəkdir.

***

00.55

Bakının Sabunçu rayonunda qəsəbə sakini bıçaqlanaraq öldürülüb.

Lent.az APA-ya istinadla xəbər verir ki, hadisə Maştağa qəsəbəsində qeydə alınıb.

Maştağa qəsəbə sakini 1993-cü il təvəllüdlü Seyidli Əli Yaşar oğlu yaşadığı Axund Mirzə küçəsində tanışı tərəfindən bıçaqlanıb. O, ürək nahiyəsindən aldığı bıçaq xəsarətlərindən ölüb. Ə.Seyidlinin meyiti müayinə olunması üçün Məhkəmə Tibbi Ekspertiza və Pataloji Anatomiya Birliyinin Sabunçu Rayon Şöbəsinə yerləşdirilib.

Sabunçu Rayon Prokurorluğunda hadisə ilə bağlı cinayət işi başlanılıb.