Ukraynanın Xarkov şəhərində vəziyyət ağır olaraq qalmaqdadır. Ölkəmizin Xarici İşlər Nazirliyinin təlimatları əsasında Fəxri konsulluq həmvətənlərimizə dəstək olmaq məqsədilə fəaliyyətini davam etdirir.
Lent.az bildirir ki, bu barədə APA-ya Azərbaycanın Xarkovdakı Fəxri konsulluğundan məlumat verilib.
Bildirilib ki, bu gün səhər saatlarından etibarən artıq 100 nəfərdən çox azərbaycanlı Xarkov şəhərindən təxliyə edilib.
“Ötən gün Xarkov şəhərinin 5 kilometrliyində yerləşən Çerkaskie Tişki kəndinə düşən mərminin partlaması nəticəsində əslən azərbaycanlı olan, Ukrayna vətəndaşı Mahmudov Emin Zabit oğlu, həyat yoldaşı Mahmudova Lyudmila və qaynanası dünyasını dəyişib. Onların sağ qalan 2 övladı hazırda qohumlarının himayəsi altındadır. Çerkaskie Tişki gəndi ətrafında döyüşlərin getməsi əhalinin təxliyəsini mümkünsüz edir. Azərbaycanın Fəxri konsulluğu kənd administrasiyası ilə daimi əlaqə saxlayır və uşaqların vəziyyəti ilə maraqlanır. Həmvətənlərimizin təhlükəsiz təxliyəsi üçün işlər davam etdirilir", - qeyd olunub.
***
13:41
Ukraynada azərbaycanlı ailənin 3 üzvü həlak olmasının bəzi təfərrüatı açıqlanıb.
Bu barədə Lent.az-a Ukrayna Azərbaycanlıları Radasından (UAR) məlumat verilib.
O bildirib ki, Xarkovda yaşayan azərbaycanlı ailəsinin yaşadığı evə raket zərbəsi endirilib:
“Xarkovada raket zərbəsdi nəticəsində bir ailədən 3 nəfər həlak olub. Onlar ev sahibi, onun həyat və qayınansıdır. Onların 3 uşaqları qalıb. Ev sahibi Xarkovda bizneslə məşğul olurdu. Həlak olan iş adamı, 52 yaşlı Emin Mahmudovdur".
***
12:51
Dünən axşam saatlarında Xarkovun raket atəşinə tutulması zamanı 4 azərbaycanlı həlak olub.
Lent.az bildirir ki, bunu APA-ya açıqlamasında Ukrayna Azərbaycanlıları Radasının Lvov vilayəti üzrə sədr müavini Mahmud Qurbanov deyib.
O bildirib ki, Xarkovda restoran sahibi olan Emin adlı şəxs, onun xanımı və iki övladı həlak olub.
“Hazırda onların evi olan ərazi rusların nəzarətindədir. Ona görə də meyitlərin ərazidən çıxarılmasında problem yaranıb. Xarkovda yaşayan azərbaycanlılar bu məsələ ilə məşğuldur”, - Mahmud Qurbanov vurğulayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
