ABŞ-dakı koronavirus xəstəxanasında baş vermiş hadisə ölkə mətbuatının diqqət mərkəzindədir.
Lent.az-ın xəbərinə görə, həkimlər və övladları 1 aydır koma vəziyyətində süni tənəffüs cihazına bağlı olan qadını cihazdan ayırmaq istəyiblər.
Hər şey bundan sonra baş verib. Həkimlər cihazı söndürməyə hazırlaşarkən 70 yaşlı qadın ayılıb. Hazırda o xəstəxanada olsa da, özü nəfəs ala bilir. Həkimlər bu vəziyyəti möcüzə adlandırırlar.
Maraqlıdır ki, qadının oğlu onun üçün bütün dəfn hazırlıqlarını da görmüş, mərasimin xərcini ödəmişdi.