Salyanda oğurluq edən şəxs saxlanılıb.
Daxili İşlər Nazirliyi mətbuat xidmətinin Şirvan regional qrupundan Lent.az-a verilən məlumata görə, Salyan rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində avqust ayının 31-də rayonun Xurşud kəndi ərazisində yerləşən evlərin birindən 80 manat pul oğurlamaqda şübhəli bilinən həmin kənd sakini Əfsun Miriyev saxlanılıb.
Ə.Miriyevin ətrafında aparılan əməliyyat tədbirləri ilə onun avqust ayının 24-də yaşadığı kənd ərazisində yerləşən bir mağazadan 1300 manat pul oğurlaması da müəyyən edilib.
Dindirilmə zamanı saxlanılan şəxs törətdiyi oğurluq hadisələrini etiraf edib.
Faktla bağlı Salyan rayon Polis Şöbəsində araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
