Pizzası gecikən müştəri satıcını avtomatla hədələdi

Hadisə ABŞ-ın Tennesi ştatında baş verib.

Lent.az-ın xəbərinə görə, 63 yaşlı kişi kafeyə gələrək aparmaq üçün pizza sifariş edib.
6 avro ödəniş edən müştəriyə sifarişin 10 dəqiqəyə hazır olacağı bildirilib. Müştəri bundan əsəbləşərək avtomobilindəki Kalaşnikov avtomatını gətirərək satıcını hədələyib.

Məlum olub ki, o, kafenin “hər zaman qaynar və hazır” pizza olması barədə reklamının yalan olmasına əsəbləşib.
Xoşbəxtlikdən təsadüfən müştərinin hadisə yerinə gələn sevgilisi onu sakitləşdirərək silahı əlindən alıb. Səbrsiz müştəri həbs edilib. Onun əməlinə məhkəmə sabah qiymət verəcək.