Neftçalada silsilə oğurluq hadisələri olub.
Daxili İşlər Nazirliyindən Lent.az-a verilən xəbərə görə, yanvarın 20-də saat 2 radələrində Neftçala şəhərinin Köhnə qəsəbə ərazisindəki mağazaların birindən oğurluğa cəhd göstərən iki nəfər rayon Polis Şöbəsinin əməkdaşları tərəfindən saxlanılıb.
Onların şəhər sakinləri E.Əhədov və F.Fərəcullayev olmaları müəyyənləşib.
Araşdırmalarla onların rayon ərazisində daha bir mağazadan pul, 3267 manat dəyərində tütün məmulatı, yuyucu vasitələr, ərzaq məhsulları, bir evdən 1550 manat dəyərində qızıl-zinət və məişət əşyaları, bir aptekdən isə pul və orada quraşdırılan ödəmə terminalından 7521 manat oğurlamaları da müəyyən olunub.
Faktlarla bağlı Neftçala rayon Polis Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
