KVN-in bədii rəhbəri 3 qızı zorlamaqda ittiham olunur

Rusiyanın Primorsk diyarında “Standup VL” KVN komandasının bədii rəhbəri Sergey Andreyçuka qarşı cinayət işi açılıb. Üç qız bildiriblər ki, o, onları azyaşlı olarkən cinsi əlaqəyə girməyə razı salıb.

Lent.az yerli teleqram kanallarına istinadla xəbər verir ki, qızların sözlərinə görə, Andreyçuk onları onunla yatmağa məcbur etmək üçün təhdid və manipulyasiyalardan istifadə edib. Əvvəlcə cinayət tərkibinin olmaması səbəbini əsas gətirərək, cinayət işi açılmayıb.

İmtinadan sonra zərərçəkmişlərin nümayəndəsi qərara yenidən baxılması xahişi ilə İstintaq Komitəsinin rəhbəri Aleksandr Bastrıkinə şikayətlər göndərib. O, hadisənin baş vermə şəraiti ilə bağlı hesabat istəyib. Nəticədə, cinsi xarakterli hərəkətləri etməyə məcbur etmə maddəsi ilə iş açılıb.

Teleqram kanalı daha əvvəl yazıb ki, şübhəli şəxs Gürcüstana qaçıb, lakin sonra Vladivostoka qayıdıb.