İtkin düşən alimlər tapıldı-YENİLƏNİB

İtkin düşən iki alim tapılıb.
APA-nin Şirvan bürosu xəbər verir ki, ilkin məlumatlara əsasən şəxslər Quba istiqamətindən dağa qalmışlar. İsmayıllı sərhəddi istiqamətində tapılıblar. Hava və dağlıq relyef səbəbindən hələ aşağı düşə bilməyiblər.

***

23.08

Fövqəladə Hallar Nazirliyinin "112" qaynar telefon xəttinə İsmayıllı rayonu istiqamətində dağlıq ərazidə iki vətəndaşın köməksiz vəziyyətdə qalması barədə məlumat daxil olub.

FHN-dən Lent.az-a bildirilib ki, məlumatla əlaqədar dərhal köməksiz vəziyyətdə qalan şəxslərlə rabitə əlaqəsi yaradılıb və koordinatları müəyyən edilərək aidiyyəti üzrə ötürülüb.

Hazırda vətəndaşlar Elnur Nəciyevin və Emil Cəbrayılovun aidiyyəti qurumlarla koordinasiyalı şəkildə təxliyə edilməsi istiqamətində işlər aparılır.

***

22.04

Gənc alimlər Elnur Nəciyev və Emil Cəbrayılov Quba-İsmayılı istiqamətində yoxa çıxıblar.

Daxili İşlər Nazirliyi mətbuat xidmətinin Şəki regional qrupundan Lent.az-ın sorğusuna cavab olaraq bildirilib ki, həmin şəxslərlə bağlı polisə müraciət edilib, barələrində axtarışa elan olunub və tapılmaları istiqamətində tədbirlər görülür.

İtkin düşənlərin Quba istiqamətindən daga çıxdıqları ehtimal olunur.