Göygöldə tələbələr qəzaya düşdü, ölən və yaralananlar var - YENİLƏNİB

Bu gün Göygöldə baş vermiş qəzada ölən tələbənin fotosu yayılıb.

Lent.az xəbər verir ki, “VAZ - 21015” və “Opel” markalı avtomobillərin toqquşması nəticəsində 18 yaşlı Qurbanzadə Ramal Ramil oğlu həlak olub.

O, Azərbaycan Dövlət Aqrar Universitetinin ikinci kurs tələbəsi imiş.

***
10:03

Göygöldə ölümlə nəticələnən qəza olub.

Daxili İşlər Nazirliyinin mətbuat xidmətinin Gəncə regional qrupundan Lent.az-a verilən xəbərə görə, "VAZ-21015" markalı avtomobillə "Opel" markalı avtomobil toqquşub.

Nəticədə rayon sakinləri 18 yaşlı Fariz Məhərrəmov, 40 yaşlı Xəyal Rzayev və 18 yaşlı Heydər Hüseynov xəsarət alıblar. 18 yaşlı Ramal Qurbanzadə isə aldığı xəsarətlərdən ölüb.

Araşdırma aparılır.

Lent.az-ın əldə etdiyi məlumata görə, sərnişinlər Gəncə şəhərindəki universitetlərin birində təhsil alan tələbələr olublar.