Gecə saat 3-də pizza gətirən kuryer qızı zorladı

İsrailin Kiryat Qat şəhərində pizza gətirən kuryer qadını zorlayıb.

Lent.az yerli mediaya istinadla bildirir ki, bu barədə 20 yaşlı zərərçəkən polisə müraciətində deyib. Hadisə yerinə gələn hüquq-mühafizə orqanlarının əməkdaşları İsrailin Şimal dairəsinin Məşhəd kəndindən olan 29 yaşlı şübhəlini saxlayıb.

Zərərçəkənin dediyinə görə, o, gecə saat 3-də pizza sifariş edib. Sifarişi çatdıran kuryer qızı otağa sürüyərək zorlayıb. Cinayətdən sonra o, getməyib və qız polisə müraciət edib.

Lakin kuryerin ifadəsi versiyası qızın ifadəsindən köklü şəkildə fərqlənir. O etiraf edir ki, həqiqətən də pizzanı saat 3-də çatdırıb. Onun sözlərinə görə, mənzildə müştəri və onun dostu olub. Xahiş ediblər ki, kuryer qızları mağazaya aparsın. Daha sonra o, iş yerinə zəng edərək günün işinin bitdiyini söyləyib.

Kuryer qızları mağazaya aparıb və oradan birlikdə mənzilə qayıdıblar. Şübhəli şəxs cinsi əlaqədə olduğunu inkar etmir, lakin hər şeyin qarşılıqlı razılıq əsasında baş verdiyini təkid edir. O, həmçinin əlavə edir ki, yaxınlıq zamanı şikayətçinin dostu qonşu otaqda olub.

Dekabrın 28-də Hayfa Sülh Məhkəməsi şübhəlinin həbs müddətini dekabrın 30-dək uzadıb. Məhkəmə qərarında zorlama ilə bağlı əsaslı şübhənin olduğu qeyd edilib. Məhkəmə izah edib ki, bunu istintaq materialları və polisin həbs-qətimkan tədbirinin seçilməsi üçün müşavirədə təqdim etdiyi məxfi protokol təsdiq edir.