05 may 2021 16:17 (UTC +04:00)

DİN aptek müdirinin ittihamlarına CAVAB VERDİ

Bakı şəhər sakini Məlahət Quliyevanın polisə müraciətinin xüsusatları tam və hərtərəfli araşdırılıb.  

Daxili İşlər Nazirliyinin mətbuat xidmətinin şöbə rəisi Elşad Hacıyev Lent.az-a bildirib ki, Nərimanov rayonunda M.Quliyeva müdirəsi olduğu aptekin əczaçılıq şirkəti qarşısında götürdüyü öhdəliyi yerinə yetirmədiyi üçün dərman preparatlarını və kassa aparatını geri qaytarıb:

"Şirkətin həmin apteki bağlamaq qərarına etiraz edən M.Quliyevanın Nərimanov rayon Polis İdarəsinin 16-cı Polis Bölməsi haqqında səsləndirdiyi iddialar tam əsassızdır. Polis tərəfindən qanunla üzərinə düşən vəzifələrə uyğun olaraq, vətəndaşın iddiları ilə bağlı müvafiq araşdırmalar aparılıb. 

Təhqiqat araşdırmaları və müvafiq yoxlamalarla müəyyən olunub ki, 20 000 manat civarında dərman prepatarları və kassa aparatı şirkətə məxsusdur. Toplanmış materialda cinayət əməli cinayət prosessual qanunvericiliyin tələbinə əsasən material üzrə cinayət işinin başlanması rədd olunub. Vətəndaşın xüsusi ittiham qaydasında məhkəməyə müraciət etmək hüququ var".

Qeyd edək ki, aptek müdiri M.Quliyeva Nərimanov rayon Polsi İdarəsinin 16-cı Polis Bölməsinə ünvanladığı müraciətə düzgün baxılmadığını deyib. Bu barədə görüntülər sosial şəbəkədə paylaşılıb.

# 834
avatar

Mehman Nəbiyev

Oxşar yazılar