Rüşvət almaqda şübhəli bilinərək saxlanılan “Fonbet” bukmeker şirkətinin baş direktoru Sergey Anoxinlə əlaqəli ünvanlarda axtarışlar aparılıb. Nəticədə külli miqdarda pul aşkar edilib.
Məsələ ilə bağlı Rusiya güc strukturlarının yüksək vəzifəli şəxsləri saxlanılıb.
Anoxin işi çərçivəsində təhlükəsizlik qüvvələri 6 nəfəri saxlayıb, onlardan ikisinin yüksək rütbəli güc strukturu əməkdaşı olduğu üzə çıxıb. Onlar digər müttəhimlərlə birlikdə 50 milyon rubl (500 min dollardan çox) məbləğində rüşvət verməkdə şərik olmaqda şübhəli bilinirlər.
Saxlanılanlardan biri, ilkin məlumata görə, Şərq İnzibati Dairəsi Daxili İşlər İdarəsinin rəis müavini Sergey Bivol, ikincisi isə Moskvanın Preobrajenski Rayon Prokurorluğunun yüksək rütbəli əməkdaşıdır.
Hüquq-mühafizə orqanlarının əməkdaşları “Fonbet”in rəhbəri ilə əlaqəli ünvanlarda aparılan axtarışlar zamanı külli miqdarda pul – iki milyon dollar aşkar ediblər.
Anoxinin həbsi yanvarın 29-da məlum olub. Onun hüquq-mühafizə orqanının işçisinə 50 milyon rubl (500 min dollardan çox) rüşvət verdiyi ehtimal edilir. Əldə olan məlumata görə, sonuncu da saxlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
