Bu il Azərbaycanda 162 milyonluq  narkotik müsadirə olunub
26 noyabr 2021 13:01 (UTC +04:00)

Bu il Azərbaycanda 162 milyonluq narkotik müsadirə olunub

Bu ilin 10 ayı ərzində Azərbaycanda 5 ton 880 kq 982 qr narkotik vasitə və psixotrop maddə müsadirə olunub.

Bu barədə Lent.az-a Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasından məlumat verilib.

Bildirilir ki, müsadirə olunan narkotik və psixotrop maddələrin 2 ton 606 kq 080 qr-nı heroin, 1 ton 153 kq 841 qr-nı marixuana, 1 ton 297 kq 331 qr-nı tiryək, 71 kq 954 qr-nı həşiş, 89,679 qr-nı kokain, 550 kq 974 qr-nı psixotrop maddələr, 200 kq 713 qr-nı isə digər narkotik vasitələr təşkil edib.. Həmçinin göstərilən dövr ərzində 10331 ədəd metadon və 46966 ədəd çətənə bitkisi qanunsuz dövriyyədən götürülüb.

2021-ci ilin yanvar-oktyabr ayları ərzində qanunsuz dövriyyədən götürülmüş 5 ton 880 kq-dan artıq narkotik vasitələrin və psixotrop maddələrin ümumilikdə dəyəri 162 milyon AZN (95 milyon ABŞ dolları) kimi qiymətləndirilir.

# 1008
avatar

Mehman Nəbiyev

Oxşar yazılar