Bakıdakı yanğında 45 şam ağacı məhv oldu - VİDEO - YENİLƏNİB

Bakının Xətai rayonu, Vunqtau küçəsində bu gün baş verən yanğın zamanı 45 şam ağacı yanaraq məhv olduğu məlum olub.

Lent.az-ın məlumatına görə, bunu Dövlət Ekoloji Təhlükəsizlik Xidmətinin rəsmisi Vaqif Cavadov bildirib.

Onun sözlərinə görə, hazırda yaşıllığa dəymiş ziyanın müəyyənləşdirilməsi istiqamətində tərəfimizdən araşdırmalar aparılır.

Xidmət rəsmisi qeyd edib ki, araşdırmaların nəticələri ilə bağlı toplanmış materiallar Fövqəladə Hallar Nazirliyinin Əməliyyat İstintaq İdarəsinə göndəriləcək.

***

Saat: 13:37

Xəbərə video əlavə olunub.

Lent.az Bakının Xətai rayonu, Ukrayna dairəsi yaxınlığında baş verən yanğının görüntülərini təqdim edir:

***

Saat: 13:01

Bakıda yanğın başlayıb.

Fövqəladə Hallar Nazirliyindən Lent.az-a verilən xəbərə görə, şəhərin Xətai rayonu, Vunq-Tau küçəsində ağaclıq ərazidə yanğın qeydə alınıb. FHN Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

Əlavə məlumat veriləcək.