Bakıda polisi şəxsi avtomobili ilə vuraraq hadisə yerindən yayınan sürücü polis tərəfindən saxlanılıb.
DİN-dən Lent.az-a verilən məlumata görə, hadisəni törədən şəxs “Opel ASTARA” markalı 99 NT 712 dövlət qeydiyyat nişanlı avtomobilin sürücüsü, 1990-cı il təvəllüdlü Mingəçevir sakini Məmmədov Şirxan Alik oğludur.
Saxlanılan zaman sürücünün psixatrop maddələrin təsiri altında nəqliyyat vasitəsini idarə etdiyi aşkar olunub.
Sürücünün verdiyi izahat və toplanmış sənədlər Nəsimi Rayon Məhkəməsinə təqdim olunub.
Hakim tərəfindən sürücü Ş.Məmmədov 2 ay inzibati həbs və 1 il sürücülük hüququndan məhrum edilib.
Xatırladaq ki, lent.az ötən gün polisin vurulma anının videosunu yaymışdı.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
